Güei sí falamos d’esta lacra, de los 12,7 millones de persones que s’atopen en riesgu de probeza o esclusión social nel nuesu país. Sicasí, esos 12,7 millones de persones tamién s’atopaben nesa situación ayeri, y tamién lo tarán mañana, si nun asumimos un compromisu firme pa erradicar esta vulneración de derechos humanos. ODS 1
Históricamente, la probeza foi llargamente invisibilizada na nuesa sociedá, lo que llevó a una falta de comprensión y d’acción colectiva qu’encare les sos causes y consecuencies. Esta invisibilidá non solo perpetúa’l sufrimientu de millones de persones, sinón que tamién torga’l desenvolvimientu de polítiques efectives qu’enceten de forma estructural esta problemática.
