El proyectu axunta a 27 nuevos intérpretes y estrénase en conciertu’l 1 d’abril n’Uviéu.
Naz la Joven Orquesta de Asturias, un proyectu impulsáu por dos músicos mozos coles mires de convertise nun puntu d’alcuentru pal talentu mozu y contribuyir al impulsu de la música sinfónica na rexón.
Pablo Pérez y Diego López son los impulsores de la Joven Orquesta de Asturias, un proyectu musical que quier convertise nun puntu d’alcuentru abiertu, d’altu nivel artísticu y formativu, pa intérpretes mozos na rexón.
Son yá 27 los músicos que se xunieron a esta iniciativa y l’oxetivu ye dir creciendo pa poder encarar proyectos cada vez más ambiciosos y impulsar la música sinfónica nel Principáu.
El próximu 1 d’abril van dar el pistoletazu de salida con un conciertu inaugural de presentación, na Ilesia de San Francisco d’Asís n’Uviéu.
