- Alborecemos col cielu escampláu ya con unes temperatures que tan alrodiu de los 6ºC, rexistrándose nel puirtu Payares 3,7ºC.
- Güei vamos tener durante tol día’l cielu escampláu anque l’ambiente sedrá fríu pela mañana caleciendo dalgo’l sol a primera hora de la tarde que mos dexará un ambiente mui afayaizu, amás l’aire sedrá sele ya variable.
- Mañana martes dirá n’aumentu la nubosidá alta pa dexanos el día nuble pela tarde con unes temperatures que van camudar poco o subirán llixeramente.
- Durante’l riscar del miércoles va cruzanos un frente poco activu que mos apurrirá precipitaciones febles, dempués pela mañana la nubosidá dirá dixebrándose pa quedar el cielu con nubes ya claros o abancios. Les temperatures mínimes n’ascensu, mentantu les másimes baxarán dalgún gráu.
- Los siguientes díes tendremos tiempu variau col cruce de dalgún frente, dalguna ventolera y subida y baxada de temperatures pero esto yá lu diremos viendo.
