El Piñole amuesa una esposición del ilustrador Alejandro Sirio enantes del so zarru por obres.
Alejandro Sirio, seudónimu emplegáu pol uvieín Nicanor Álvarez, desenvolvió la so carrera artística n’Arxentina señala Ainara Alía de Lera, comisaria de la esposición.
Al igual que reconocemos la caligrafía na escritura, él pensaba que tamién socedía a la hora de dibuxar.
Y amás con ciñu pol detalle, minuciosu. Y eso ye lo que fai nesta escena, el suicidiu de Larra, onde garra protagonismu l’ambiente de la escena.
Esti llibru, con 3.000 ilustraciones, ye la cume de la so carrera. Recueye les sos vivencies personales nos barrios bohemios de París y Buenos Aires.
Equí hai parte de la colección d’Alejandro Sirio qu’alluga’l muséu Xovellanos y nes vitrines documentación dexada pola familia y qu’agora va catalogase.
La esposición, abierta hasta xunu, va ser la postrera qu’albergue’l muséu enantes de les obres pal so treslláu.
