Tres unos díes calorosos, van baxar les temperatures de forma xeneralizada. Van baxar más de 6 ºC respectu al martes en tol interior occidental y tamién nel cordal. Nel restu del interior van baxar hasta 4 o 5 ºC, ente que na mariña’l descensu va ser más moderáu. En cuanto al estáu de los cielos, va predominar la nubosidá en tol Principáu sacantes delles escamplaes que se preven nel cordal anque, conforme trescurran les hores, tamién se va acabar nublando. Mientres la segunda metá del día prevese nubosidá d’evolución que podría dexar bastios tormentosos que, a priori, van ser más probables nel sur d’Asturies. Ello ye que l’Axencia Estatal de Meteoroloxía va activar l’avisu mariellu nel cordal pola posibilidá de nubes. Esti avisu va empecipiar a les 14 hores y va concluyir a les 22 hores.
El xueves tamién va ser un día nublu anque nun se refuga l’apertura de delles escamplaes a lo llargo del día.
El vienres festivu tien toles papeletes a ser el día más calorosu del añu. Sacantes cambeos d’última hora, los modelos meteorolóxicos agoren temperatures que podríen algamar los 40 ºC. L’ascensu va ser intensu en munchos puntos asturianos.
