Cuatrocientos trabayadores velaran pola seguridá de la fiesta’l domingu. 177 casetes tán construyéndose pal Xiringüelu. La mayor cifra de la historia y les que tienen sitiu n’El Salcéu apunta Darío Gómez, de la Cofradía del Xiringüelu.

El lema d’esti añu ye ‘Pol culín’, n’homenaxe a la distinción de la cultura sidrera como patrimoniu inmaterial pola Unesco señala Elena Lera, de la Cofradía del Xiringüelu. Tamién reflexa a esa muchedumbre que, dende 1940, va al Xiringüelu.

Anque’l día grande ye’l domingu, les fiestes entamen el xueves col Xirinfantil y la fiesta de la cerveza. Amás, esti añu, artistes emerxentes, al traviés de la so creatividá, darán la so visión del Xiringüelu.

El vienres sedrá’l pregón al cargu de los periodistes pravianos Miguel Lartategui y Pablo García Cuervo. El día que toca atar el pañuelu solidariu al pescuezu y comer el bollu preñáu señalen Alejandro Gómez Conde y Clara Cuervo de la Cofradía del Xiringüelu.

La Cofradía calcula que 50.000 romeros, 25.000 na Xirinzone y otros tantos nes casetes, dirán, el domingu, a esfrutar del Xiringüelu.

Cuatrocientos trabayadores velarán pola seguridá de la fiesta’l domingu

Esta mañana celebróse la xunta en Delegación del Gobiernu p’analizar el Plan de seguridá del domingu de la fiesta del Xiringüelu.

El plan caltién les condiciones que presentaron l’añu pasáu con dalgunes novedaes como un hospital de campaña que cubrirá prácticamente cualquier percance sanitariu.

Ente efectivos de la guardia civil, seguridá privada, sanitarios y buzos, el Xiringüelu cuntará con una plantiya d’unos 400 efectivos.

A pesar de la seguridá dende la organización manden un mensaxe claru: esfrutar de la fiesta con esmolición y utilizar los medios previstos escontra’l calor, como duches, pa evitar metese nel ríu.