Autora: ALICIA VARELA @alicia_varela_
Testu: LETICIA SÁNCHEZ RUIZ @letisaurus
La primavera llega a Asturies como una promesa cumplida, un xuxuriu de lluz qu’espierta amodo la tierra. Ye’l tiempu en que tou paez renacer: los árboles vístinse de verde, les flores aprucen en colores y l’aire enllénase d’arumes frescos que conviden a alendar más fondu.
La mesma palabra “primavera” zarra hestoria y tresformamientu. Nacida del llatín prima vera, “l’empiezu del bon tiempu”, reflexa esa sensación universal d’entamu, d’estragal escontra daqué más lluminosu.
Nun ye solo una estación, sinón un estáu d’ánimu: una apertura, un impulsu vital que se manifiesta tantu na naturaleza como en quien la habiten.
Col enclín de la Tierra escontra’l Sol, la lluz gana terrenal y colla crez tamién la nuesa enerxía. Apaez esa molición allegre, dacuando llamada “fiebre de primavera”, que nos emburria al cambéu. Ye como si’l cuerpu recordara, ensin palabres, que ye tiempu d’espansión.
Les primeres flores,prímules, tulipanes, narcisos, non solo decoren el paisaxe, sinón qu’anuncien que’l ciclu sigue, que la vida aportuna. Cada biltu ye una pequena victoria contra’l fríu pasao, una señal de que siempres hai torna.
La primavera, a última hora, nun ye namá una estación del añu: ye un recordatoriu constante de renovación, d’equilibriu y d’esperanza. Un intre suspendíu ente lo que foi y lo qu’empieza, onde la lluz, a lo último vuelve quedase.
Alicia Varela desenvuelve xuna sólida trayectoria profesional collaborando con editoriales de lliteratura infantil y xuvenil tantu a nivel nacional como internacional. El so universu creativu estiéndese a la ilustración d’artículos de prensa, revistes y axencies de publicidá de distintos países, onde’l so estilu resulta fácilmente reconocible. El so trabayu, inspiráu na naturaleza y l’arte, dialoga col espíritu de renovación y sensibilidá que remembra la primavera.
Leticia Sanchez ye la escritora de novela negra más lluminosa que conocemos y la que meyor describe l’arcu iris y los colores que lu habiten.
