- RTVE / El Diario / Heraldo León /
De Somiedu a Picos d’Europa: les llapaes/llames algamen el corazón del hábitat del osu pardu nel Cantábricu. Esmolez l’impactu a mediu y llargu plazu, yá que van pasar años hasta que crezan los árboles qu’alimenten a esta especie. Les quemes afectaron a santuarios del osu pardu como Somiedu o Picos d’Europa. MAPA
Amburen los Picos d’Europa, ambura Somiedu y el norte de Llión. L’hábitat del osu pardu, especie emblemática de la fauna ibérico y uno de los mayores casos d’ésitu na recuperación d’una especie nel nuesu país, haise vistu gravemente afectáu poles quemes qu’esti agostu afararon el norte y noroeste de la península.
«Xamuscáronse estensiones bien amplies d’árees crítiques pal osu, tantu dende’l puntu de vista de l’alimentación como del abelugu», esplica a RTVE Noticies el presidente de la Fundación Oso Pardo (FOP), Guillermo Palomberu.
La so organización preve llevar a cabu nes próximes selmanes un analís sobro’l terrén del algame de la destrucción, una y bones munchos de los focos siguen activos y entá ye llueu pa faer balance, esplica.
Palomberu confía en que nun morriera amburáu nengún exemplar, yá que ye xuna especie con «muncha capacidá pa movese y colase con rapidez». Sicasí, almite qu’estes quemes «de sópitu avancen bien apriesa y pueden arrodiar una zona predresa onde tean encamaos».
