Autora GALA VALDÉS / Testuo LETICIA SÁNCHEZ
Empecipiamos febreru echando raigaños, abrazándonos a la tierra qu’heredamos y que tamién nos herieda, tierra que nos noma y habítanos. Una tierra que sentimos llatir en peligru, amenaciada pola marea voraz de la sobresplotación, la especulación y la cobicia. Y facémoslo como meyor sabemos, maridando la ilustración de Gala @galailustracionescoles palabres de Leticia.@letisaurus
- ARRAIGU: Enraigono: establecese de forma permanente nun llugar (volvete él). Faete bien firme nos tos vezos o na to forma de portate (pue que el calter, seique l’heriedu).
- GARRAR: (prender), echar raigaños. Raigaños: Parte d’una cosa, de la cuál, quedando oculta, procede lo que ta manifiestu (la causa, l’orixe, el motivu). Órganos de les plantes poles qu’absuerben lo que los sirve de sosten (dan de mamar). Dalgunes son tan firmes y fondes como les d’un árbol.
- ARBOL: Si’l raigañu (l’enraigono) ye fuerte, nun lo va baltar nin el vientu. Pero si ye demasiáu fuerte, tampoco-y lo va poder mover a nengún otru llau.
- ARRAIGU: llevar siempres dientro una marca, unu repulgu. L’allegría (o la señardá) de la procedencia. Convertise na mesma tierra y que te acaben brotando flores de les manos. ( Leticia Sánchez)
Gala Valdés Soto ta llicenciada en Belles Artes y realizó un master en Llibru Ilustráu y Animación, el so trabayu bebe del folclor asturianu para enfusase n’una naturaleza tan bella como esmolecedora, onde lo escuro y lo misterioso llaten so lo idílico. Collabora de forma recurrente col Conceyu de Villaviciosa en proyectos de diseñu y cartelería, amás de cuntar con una solvente trayectoria espositiva y editorial (Pez de Plata).
Leticia Sánchez ye quien pon nome a les coses nesta casa: la ilustradora de palabres que nos ayuda a echar raigaños nesta fantástica aventura que ye The Asturianer. @theasturianer
