Asturies ye la segunda comunidá autónoma onde la obesidá tien una mayor prevalencia, con un 26 per cientu de la población afectada. RTPA
Uviéu acueye esti miércoles y xueves el 30 Congresu de la Sociedá Internacional de Farmacoloxía Cardiovascular. https://iscp2025oviedo.com
Asturies ye la segunda comunidá autónoma onde la obesidá tien una mayor prevalencia, con un 26 por cientu de la población afectada. El congresu internacional de farmacoterapia cardiovascular abordará’l futuru de los últimos medicamentos capaces de menguar una enfermedá qu’acurtia la esperanza de vida ente 4 y 10 años apunta Pablo Avanzas, director del Área del Corazón del HUCA.
La cita valdrá tamién pa presentar el protocolu que yá s’aplica n’Asturies, pa coordinar cardioloxía y atención primaria y optimizar el control del colesterol dempués d’un infartu de miocardiu.
El congresu axuntará, nel Palaciu de Congresos, a 30 espertos de tol mundu pa compartir avances sobre enfermedaes cardiovasculares, del corazón.
El llunes, la Sociedá Asturiana de Cardioloxía celebrará’l Día Mundial del Corazón con talleres p’adultos y escolinos sobre prevención, dieta y vezos de vida saludables y reanimación cardiopulmonar.
