Llegó delgada, con hipotermia y un pronósticu inciertu»… pero respuende bien al tratamientu y encánta-y el bocarte: una tortúa lora recupérase nel Acuariu de Xixón. L’animal foi rescatáu en febreru n’El Musel y aportó «n’estáu críticu» al CRAMA. LNE
“El nuesu equipu trabaya para estabilizar el so salú, reforzar la so musculatura y prepárase por que pueda tornar al so hábitat natural nel océanu Atlánticu», asegura Susana Acle.
Cuando aportó, la tortúa taba tan debilitada que foi necesariu alimentala por aciu sonda y monitorizar la so peristaltismo intestinal, esto ye, el movimientu del so intestín, yá que apenes se movía. La so dieta actual inclúi merluza, capelán y bocarte, chipirón y gambes, complementada con aguamales y cámbaros como arriquecimientu ambiental para aguiyar la inxesta. Amás, apurriéronse-y distintos complexos vitamínicos para reforzar la so nutrición y recuperación xeneral.
Dende l’Acuariu resalten amás que’l casu d’esta tortúa va sirvir como ferramienta educativo. El CRAMA va aprovechar la hestoria de la so recuperación para concenciar a los visitantes sobro la importancia del caltenimientu de les tortúes marines y la protección de les sos hábitats naturales frente a amenaces como la contaminación, la pesca accidental y el cambéu climáticu.
Trátase amás d’una especie pocu habitual nes nueses mariñes, de la qu’esisten bien pocos rexistros en tola península; nel nuesu casu, la so supervivencia vese comprometida pola apaición n’agües con temperatures tan baxes».
El CRAMA BIOPARC (Centru de Recuperación d’Animales Marinos d’Asturies) ye un centru de sofitu a la Rede de Varamientos del Principáu d’Asturies, inauguráu en 2023 y allugáu nes instalaciones del Bioparc Acuariu de Xixón.
Esti equipamientu ta dedicáu específicamente a la rehabilitación y recuperación d’especies marines varaes, como tortúes bobes y foques, para devolveles darréu al so hábitat natural una vegada sanes.
