Esperamos una xornada bien nubosa en tol Principáu. Estes nubes van dexar precipitaciones de calter débil sobremanera mientres la mañana cuidao que, a priori, la tarde va presentase más estable. Estos orbayos van ser más frecuentes nel centru y nel oriente asturianu, ente que la probabilidá de precipitaciones nel occidente va ser bien baxa. Los vientos van ser fluexos predominando de norte.
Les temperatures máximes van baxar hasta 8 ºC nel cordal, hasta 4 o 5 ºC nel restu del interior, y de forma más llixera van baxar na mariña. Les mínimes van baxar tamién nel interior anque se van caltener ensin cambeos na mariña.
El martes tamién va ser un día nublu anque se preve l’apertura de delles escamplaes pel oeste a lo llargo del día. A pesar de la nubosidad, apenes s’esperen agües para mañana. Les temperatures máximes nun van variar salvu nel cordal centro-oriental onde llixeramente van xubir. Les mínimes van baxar un poco más namá nel interior.
Vamos siguir el miércoles con nubes n’Asturies. Apréciase un enclín a xubir les temperatures y a un mayor protagonismu del sol de cara a la recta final de selmana.
