Les tensiones xeopolítiques, la inflación y la demanda de los bancos centrales ayudaron a esi impulsu. L’oru y la plata avérense al final del añu en máximos históricos. Con una revalorización del 70 y el 160% respectivamente.
Dempués d’una fuerte caída rexistrada a finales d’ochobre, l’oru recuperóse con fuerza y ta batiendo recors, convirtiéndose nún de los activos con meyor rendimientu esti añu. Les tensiones xeopolítiques, la inflación y la demanda de los bancos centrales, pa diversificar les sos reserves, ayudaron a esi impulsu. Un fenómenu que tamién llegó a la plata qu’esti 2025 duplicó’l so preciu.
- L’oru ye un elementu químicu que’l so númberu atómicu ye 79. Ta allugáu nel grupu 11 de la tabla periódica. Ye un metal precioso blandiu de color mariellu doráu. El so símbolu ye Au.
- La plata ye un elementu químicu de númberu atómicu 47 asitiáu nel grupu 11 de la tabla periódica de los elementos. El so símbolu ye Ag (del llatín argentum, ‘plata’, del raigañu indoeuropéu h₂erǵ-, ‘blancu, brillosu’). Ye un metal noble, de transición, de color gris mediu, brillante, blandiu, dúctil y maleable.
Na naturaleza atópase como parte de distintos minerales (xeneralmente en forma de sulfuru) o como plata llibre (conocida como plata nativo). Na corteza terrestre apaez nuna proporción de 0,08 partes per millón. La mayor parte de la so producción llógrase como subproductu del tratamientu de les mines de cobre, cinc, plomo y oru.
