Si nel mes de marzu nun ameyoren los datos de captura de pulpu n’Asturies, va faese una parada biolóxica na pesquería mientres el mes d’abril y va vedase hasta’l final de la campaña en xunu. La campaña de pesca del pulpu n’Asturies, tantu la profesional como la recreativa, va quedar suspendida a partir del 1 d’abril y hasta el so finalización el próximu 12 de xunu si a lo llargo del mes de marzu nun se recupera la normalidá nel volume de captures, que yá rexistró un descensu anómalu» mientres el pasáu exerciciu, según anunció’l director xeneral de Pesca Marítima del Principáu, Francisco González.
¿Por qué arralez el pulpu n’Asturies? Llueñe de ser un problema atribuyible a la sobrepesca, el consensu ente espertos y mariscadores apunta a una complexa interacción de factores medioambientales, climáticos y d’alimentación. El Comercio
«La mortalidá pola pesca de pulpu ye baxa, calteniéndose per debaxo del 50%». Esto asitia’l focu directamente sobro los efectos medioambientales. López Asenjo destacó «la influencia de los fenómenos meteorolóxicos estremos», mentando que l’escesu d’envernaes y los movimientos d’agua tán provocando «cambeos sópitos» nel mar.
El pulpu, «siendo un animal bien selectivu cola so dieta, sufre directamente les faltes de la so fonte d’alimentación (el cámbaru patelo y otros mariscos), lo que repercute nel so comportamientu y presencia n’agües asturianes».
Les Cofradíes acepten la veda del pulpu como midida pa recuperar la especie
Una opción a considerar énte una campaña catastrófica. Na que ye una de les peores costeres de los últimos años la flota de L.luarca nun ve con malos güeyos la propuesta de la Dirección Xeneral de Pesca de facer un paru biolóxicu na captura del pulpu nel mes d’abril si marzu sigue’l csmín del entamu de temporada señala Elvira García, secretaria de la Cofradía de Pescadores «Nuestra Señora del Rosario» (L.luarca).
La parada, de calter voluntariu, llevará apareyada una ayuda del Fondu Européu de la Mar y la Pesca y obligará a parar l’actividá dafechu. Los qu’opten por nun solicitala podrán trabayar n’otres artes. Una propuesta bien vista n’El Porto apunta José Manuel García, patrón Mayor de la Cofradía de Pescadores «Santo Ángel de la Guarda»(El Porto).
Una opción bien recibida n’Ouviñana onde se repiten los malos númberos del restu de los planes d’esplotación.
Un paru que valdría, creen equí, pa la rexeneración de la especie de cara a les campañes vinientes.
Con unes ayudes económiques, reconocen, que dexarán salvar un mes de paru destaca Lucas López, patrón Mayor de la Cofradía de Pescadores «San Roque» (Ouviñana).
Planes d’esplotación, de Cuideiru a As Figueiras, que tendrán que decidir nos díes vinientes si acepten o non esta propuesta.
