Una fecha dedicada a reconocer el talentu de quien, al traviés de la ilusión y la fantasía, llogren sosprender y entretener al públicu de toles edaes.
La palabra magu” provien del antiguu persa magi y del llatín magus, y engloba a ilusionistes, prestidigitadores y artistes del plasmu que tresformen lo imposible n’espectáculu. Una xornada para celebrar la creatividá, l’inxeniu y la maxa sobro l’escenariu. ✨🎩
La efeméride rinde homenaxe a San Juan Bosco, consideráu’l santu patronu de los magos. Don Bosco, foi un sacerdote, educador y escritor italianu del sieglu XIX. Nacíu n’Italia, foi bien queríu especialmente polos mozos, a quien cautivaba con trucos de maxa, malabares y xuegos para tresmitir valores y enseñar.
Mientres los sos estudios como sacerdote dicía que podía pedricar la palabra de Dios faciendo maxa y malabarismu para atraer a los neños, convirtiéndose na sensación del so pueblu y la so contorna. Cunten qu’ente’l so repertoriu faía lo siguiente:
- Sacaba de la boca d’un mozu 12 bolines coloraes.
- Camudaba l’agua en vinu que depués ufiertaba a los espectadores.
- Multiplicaba los güevos de pita sobro un cestu.
- Sacaba palombos del bolsu de los señores.
- Sacaba coneyos de los sombreros de los espectadores.
- Aldovinaba’l dineru que llevaben nos bolsos.
- Faía qu’el so varita máxica volara sobro les sos manos.
- Resucitaba un pollu primeramente estazáu.
- Y caminaba, saltaba y baillaba sobre xuna cuerda fluexa, sosteniéndose con un namá pie.
