Anabel Santiago canta a ‘La Lloca’, un tango dedicáu «a toles madres de de los emigrantes» cantáu y protagonizáu pola asturiana, anque nacida en Bonos Aires en 1981, Anabel Santiago. La producción foi dirixida por Xulio Arbesú. Ta dedicada «a toles madres de los emigrantes» que tuvieron que salir d’Asturies a lo llargo de la hestoria.
El videoclip foi rodáu precisamente al pie de la famosa estatua xixonesa emplazá n’El Rinconín titulada ‘La madre del emigrante’, obra de Ramón Muriedas, anque popularmente conocida como ‘La Lloca’ y que representa a una muyer que perdió la razón esperando frente al mar al fíu que s’había alloriáu y del que nun sabía nada.
