Entá s’esperen precipitaciones débiles mientres la mañana. Estes agües van ser más frecuentes nel centru y nel oriente asturianu. A partir del mediudía la inestabilidá va dir claramente a menos y va acabar unviando por completu. La tarde va ser totalmente estable en cualquier puntu de la rexón con escasa o nula probabilidá de precipitaciones. La cota de nieve va rondar los 1100 o 1200 metros mientres les primeres hores de la mañana y va tender a xubir percima de los 1500 metros cola meyora del domingu. Los cielos van tar nublos mientres tola xornada. Les temperatures máximes van xubir ente 3 y 4 ºC respectu al sábadu na metá norte, y un par de graos na metá sur. Los vientos van ser fluexos polo xeneral.
El llunes prevense cielos nublos na metá norte y soleyeros escontra’l sur pela mañana, pero se van acabar abriendo grandes claros en tola Comunidá Autónoma mientres la segunda parte del día. Los vientos van ser fluexos, con posibilidá de que pela tarde s’afiten de nordeste-esti na mariña con intensidá moderada. Les temperatures van xubir en toa Asturies.
