Más que nunca, son necesaries les precipitaciones para poder ayudar a combatir les quemes. Pero les previsiones nun son nada favorable a pesar de que se preve cierta nubosidad. A lo sumo, mientres estos próximos díes espérase, en casu de producise, que pueda chispiar puntualmente. El domingu vamos amanecer con cielos pocu nublos nel sur de la rexón y más nubosidad na metá norte. A lo llargo de la mañana dirán abriéndose claros en tol interior, quedando la mariña y contorna entá con nubes de tipu baxu. Mientres la tarde, les nubes volverán ganar terrén y van acabar estendiéndose por tola rexón. Nesi momentu, nun se refuga que pueda escapase dalguna gota prácticamente inapreciable de forma local. Los vientos van ser fluexos y van acabar predominando de norte. Les temperatures máximes van ser bien similares a les del sábadu, salvo nel suroccidente onde van poder baxar un poco. Les mínimes, sicasí, van xubir nel interior asturianu.
Una estraña sensación d’escurecimientu prematuru sosprendió na tarde d’esti sábadu a los vecinos d’Uviéu. El cielu de la ciudá y les sos parroquies aledañas foi anubiertu por una neblina anaranxada similar a los d’una película apocalíptica. La razón: los vientos del suroeste que predominaron nesta xornada emburriaron hasta’l centru d’Asturies el fumu procedente de les quemes qu’amburen terrenes en Cangas de Narcea, Somiedu y el norte de Llión. La combinación de les partícules flotantes de ceniza y la lluz solar del atarceder tiñieron los cielos d’un tonu ente acoloratáu y marrón pálido. LNE
El llunes vamos empezar la selmana con nubes y un descensu térmicu xeneralizáu. La posibilidá de precipitaciones va ser baxa y, como se mentó antes, seríen escasos orbayos a lo sumo.
