Güei, martes de Pascua, celébrase la fiesta de los Güevos Pintos en Pola Siero. La fiesta consiste na esposición y vienta de güevos pintaos de forma artesanal, con dibuxos y escenes tradicionales acompañaos de símbolos o frases alusories.
El muséu adquirió apocayá seis güevos pintos de los años 1951 y 1954. Ente ellos destaca unu que lleva pintada la siguente frase: «Esti añu en La Pola / va ver cueses de postin / preparaivos mociquines / pa les fiestes del Carmín / Pascua 1951».