Esti branu’l Teatru Campoamor d’Uviéu cumple 129 años desque foi inauguráu. La finca na que se llevantó fuera enantes un campusantu xudíu y la güerta del conventu de Santa Clara. ¿Y sabéis que col so nome rinde homenaxe a un asturianu? Sí, al Ramón de Campoamor.
- Fonte noticia: Pipas Asturianas Facebook
- Web: Pipas Asturianas
Los terrenes onde s’atopaba’l conventu de Santa Clara foi’l llugar escoyíu nel añu 1876 para construyir un nuevu teatru que fixera d’Uviéu un marcu aparente para les representaciones operísticu y teatral.
Leopoldo Alas Clarín propón el nome del poeta Ramón de Campoamor para’l teatru. L’espaciu foi abiertu al públicu en 1892 cola representación de Los Hugonotes. A lo llargo de la hestoria va sufrir diversos cambeos. En 1916 amplíase l’aforu del teatru y reestructúrase l’interior. Na revolución de 1934 y la posterior Guerra Civil, el teatru queda amenorgáu a escombros, tan solo queda de pies parte de la fachada principal.
Terminada la guerra empecipia la reconstrucción y vuelve abrir les sos puertes en septiembre de 1948 cola representación de la ópera Manon.
El proyectu de construcción del Teatru Campoamor, inauguráu en 1892 cola puesta n’escena de la ópera Los Hugonotes, remontase a 1876 cuando’l Conceyu alcordó construyir un teatru que sustituyera a Corrolada de Comedies del Fontán, insuficiente para la demanda de los uvieinos que ciscaben otru local onde pudieren celebrase les representaciones teatrales en meyores condiciones.
Foi concebíu para la ópera na so estructura y detalles técnicos polos arquiteutos Siro Borrajo Montenegro y José López Salaberry y los decoradores Busato, Muriel y Fernández.
Nel añu 1934 el primitivu Campoamor dexó d’abrir les sos puertes al públicu por una quema provocáu mientres los sucesos revolucionarios d’esi añu que destruyó totalmente el so interior.
En siendo reconstruyíu pol arquiteutu municipal Gabriel de la Torriente, entamó la so nueva andadura xestionada por particulares hasta 1985, añu nel que se convirtió en municipal. A partir d’esi momentu, empezaron les obres de rehabilitación del interior del local, según los criterios de Pedro Casariego y Fernando Nanclares.
En 2010 foi sometíu a una rehabilitación parcial a la espera d’un anunciáu proyectu d’ampliación aplazáu dende va años pol so eleváu costu económicu.
Amás d’innumberables representaciones teatrales y musicales, qu’inclúi la temporada d’Ópera d’Uviéu, una de les más antigües d’España, el Campoamor foi l’escenariu de la entrega de los agora Premios Princesa d’Asturies y acoyó na ceremonia de 1981 les primeres palabres en públicu del agora rei Felipe VI.
