Publicado en Día de...

Día Mundial del Axedrez

Güei 20 de xunetu, Día Mundial del Axedrez ♟, aprovechen pa presentanos el que va ser el pallabreru d’esti añu.
Gracies a la Oficina Llingúística de Xixón. En breve…

  • Día Internacional del Axedrex: web /

Por iniciativa de la FIDE, el 20 de xunetu foi reparáu como’l Día Internacional del Axedrez polos axedrecistes de too el mundu dende 1966.

El 12 d’avientu de 2019, l’Asamblea Xeneral proclamó’l 20 de xunetu como’l Día Mundial del Axedrez para conmemorar la fecha de la fundación de la Federación Internacional d’Axedrez (FIDE) en París en 1924.

La designación del Día Mundial del Axedrez non yá va reconocer l’importante papel de la FIDE nel sofitu a la cooperación internacional para l’actividá axedrecística y l’oxetivu d’ameyorar la convivencia respetuosa ente tolos pueblos del mundu, sinón que tamién va brindar un importante soporte pa fomentar el diálogu, la solidaridá y la cultura de la paz.

L’axedrez ye unu de los xuegos más antiguos, tien un calter intelectual y cultural, y combina elementos del deporte, el razonamientu científicu y l’arte. Cualquier persona, en cualquier llugar, puede xugar yá que tesciende les barreres del idioma, la edá, el xéneru, la capacidá física o la situación social.

Ye un xuegu d’algame mundial que promueve la equidá, la inclusión y el respetu mutuu, y n’ese respecto puede contribuyir a la creación d’una redolada de tolerancia y comprensión ente los pueblos y les naciones.

L’axedrez bríndanos la oportunidá de llevar a cabu l´implementación de l’Axenda 2030 pal Desenvolvimientu Sostenible 9 y los Oxetivos de Desenvolvimientu Sostenible, ente otres coses por aciu el fortalecimientu de la educación, la promoción de la igualdá de xéneru y l´empoderamientu de les muyeres y les neñes, y el fomentu de la inclusión, la tolerancia y l’entendimientu y el respetu mutuos.

L’axedrez ye un xuegu d’estratexa nel que s’enfrenten dos xugadores, cada unu de los cualos tien 16 pieces de valores diversos que pueden mover, siguiendo ciertes riegles, sobro un tableru estremáu en cuadraos blancos y negros. L’oxetivu final del xuegu consiste en “derrocar al rei” del oponente. Anguaño, identificáronse más de 2.000 variantes del xuegu.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *