Publicado en NATURA

Los orangutanes de Borneo tán morriendo de fame pola falta de fruta

Semeya: Getty Images

El cuerpu de los orangutanes de Borneo ta quemando la so propia masa muscular para compensar la falta d’alimentu na zona.

Los orangutanes son animales que se caractericen pola so capacidá de supervivencia. A pesar de ser una especie artera para topar alimentos en tiempos d’escasez, el panorama nun s’esclarió para los exemplares qu’habiten na isla asiática de Borneo. A falta de fruta, los animales lliteralmente tánse morriendo de fame pola falta de recursos disponibles na selva.

Un estudiu recién destaca la importancia del caltenimientu de los montes húmedos en términos alimentarios para les especies qu’ende habiten. Los orangutanes (Pongo pymaeus), a pesar de la so capacidá destacable para atopar recursos en tiempos difíciles, tán perdiendo la vida nes selves por falta d’árboles fruteros que los abastezan de comida.

Erin R. Vogel, antropóloga del Centru d’Estudios para la Evolución Humana de la Facultá d’Artes y Ciencies de la Universidá de Rutgers-New Brunswick, condució una investigación a cuenta de la perda de masa muscular de los orangutanes na isla de Borneo. Allugada al sudeste asiáticu, el territoriu ta siendo testigu de les fuertes faltes de recursos que los primates tán careciendo.

A razón de la falta de fruta, los primates selvaxes tán perdiendo pesu, ánimu y salú. A diferencia d’otres especies, los orangutanes caractericense por pasar la mayor parte de la so vida nel suelu. Sicasí, riquen de fuerza para banciase ente les lianes y esguilar árboles. Asina ye como se protexen de ciertos depredadores y consiguen comida.

A pesar de la so capacidá aumentada pa llograr y guardar enerxía en situaciones precaries, la petrina ta cada vez más apertáu pa los orangutanes na selva de la isla asiática. La esplotación de los montes húmedos pa l’agricultura y l’industria ta detrás d’esta destrucción masiva, que torna les consecuencies climátiques que l’actividá humana ta teniendo nesa zona del mundu.

Cuando l’organismu quédase ensin fontes d’enerxía, entamen a consumir a sí mesmu. Nel casu de los orangutanes de la isla de Borneo, el cuerpu ta quemando la so propia masa muscular para compensar la falta d’alimentu que precisen para vivir. La situación captó l’atención de la comunidá internacional, y les autoridaes locales nun respondieron satisfactoriamente.

La Dra. Caitlin A. O’Connell, investigadora de postdoctoráu de la Facultá d’Artes y Ciencies de la Universidá de Rutgers-New Brunswick, destaca que l’axenda local debería de reforzar la reforestación de manera urxente:

«Los planes de caltenimientu tienen de considerar la disponibilidá de fruta en parches de monte o corredores que los orangutanes pueden precisar ocupar a midida que la deforestación sigue na so área de distribución» esplica O’Connell.

La so declaración nun ye casual: les necesidaes nutrimentales de la especie dependen, en gran midida, del suministru frutal qu’ésta tenga. Como herbívoros, nun comen carne nin tienen necesidá de cazar. Ensin fruta nin árboles por causa de la destrucción del so hábitat forestal, la especie ta sumida nun letargu ensin horizonte prometedor, que paez nun tocar fondu puestu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *