Publicado en Alcuentru

Alcuentru virtual: La escuela n’asturianu

La Conseyería d’Educación entamó un alcuentru tituláu Alcuentru virtual: La escuela n’asturianu, con mires de mostrar cómo se ta trabayando la enseñanza de la llingua asturiana nel sistema educativu del Principáu y pa estimular la matriculación na asignatura.

L’alcuentru cuntó cola participación del periodista asturianu, Damián Barreiro, que foi introduciendo caún de los centros participantes, ún por cada etapa educativa.

Alba Hernández Boada collaboró con una clase colos sos alumnos y alumnes de 3 y 4 años nel CP Vital Aza, de L.lena p’amosar cómo s’empieza a estimular l’aprendizaxe a edaes bien tempranes. Víctor Suárez abrió les clases del CP Martimporra de Bimenes col so alumnáu de Primaria. Paz García, nel IES Bernaldo de Quirós, fixo actividaes enfocaes a Secundaria. En Ribeseya, nel IES Avelina Cerra, Claudia Gutiérrez afaló la creatividá y la imaxinación de los sos estudiantes de Bachilleratu.

La Conseyera d’Educación, Carmen Suárez, despidió l’alcuentru. Estimó la participación de tolos centros, la implicación del profesoráu y la dedicación de tol alumnáu.

L’alcuentru ta enteru disponible en Youtube cola idea de que-yos valga a les families pa informase cara a la campaña de matriculación.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *