@ Terje Kolaas – Ganador absolutu
- Drone Photo Awards// Drone Photo Awards 2021
- Fonte noticia: Photolari /
Terje Kolaas foi’l ganador absolutu de 2021 con una fotografía na que pueden apreciase miles de gansos de pates roses volando y posándose sobro la nieve. Debíu al cambéu climáticu ta produciéndose xuna migración temprana y de cutiu los campos a los que lleguen estes aves suelen siguir nevaos, daqué totalmente fora de lo común.
Los gansos siguen la mesma trayectoria migratoria #cada añu, polo que Kolaas conocía esactamente la zona que tenía de volar pa prindar la so instantánea.
Apocayá anunciábense los ganadores del concursu Drone Photo Awards 2021 col lema “Above us only sky”(sobro nós el cielu). Los premios reconocen les meyores fotografíes tomaes dende l’aire, yá sía con aviones, helicópteros, dirixibles, cometes, globos, paracaíes o de xacíu colos drones que dan nome al certame.
Creáu polos organizadores de los prestixosos Siena International Photo Awards, el concursu ta teniendo un ésitu más que considerable y magar la so mocedá yá se consideren unos de los meyores premios en fotografía aérea del mundu.
Nesta edición recibieron abargana de 14.000 imaxes de 104 países de too el planeta. Ente elles escoyó la ganadora absoluta y la premiada en caúna de les sos 8 categoríes.
