- Fonte: BBC News / La Vanguardia / Debate.com /
- Andrés Valencia: semeyes/ Twitter /
- Pablo Picasso / semeyes /
Los cuadros d’Andrés Valencia algamen los 150.000 $/US.
— De los cuadros que pintasti, ¿cuál ye’l to favoritu?
— Tengo De dicir dos: The Outsiders, que son básicamente unos tipos que tán pasando’l ratu, y Venucube, inspiráu por Pokémon.
El que fala ye Andrés Valencia, la última sensación del mundu del arte: un neñu de 11 años.
Fala con BBC Mundo namás salir de la escuela, acompañáu de la so madre, Elsa Valencia. Trata de recuperar la normalidá na so San Diego natal en siendo mientres la primer fin de selmana de avientu’l centru d’atención n’Art Miami, una de les feries d’arte contemporaneo más importantes d’Estaos Xuníos.
«Cuando vi les fotografíes y videos quedé totalmente impactáu: nun podía ser real qu’esos cuadros fueren d’un neñu de tan curtia edá». Nick Korniloff director d’Art Miami
D’orixe mexicanu y residente en San Diego, California, Andrés Valencia, a quien se llamó «maravía del arte» y «pequenu Picasso«, solo tien 10 años.
Cola galería zarrada, xuniéronse-y el dueñu de la galería d’arte, Bernie Chase, y la so madre, Elsa Valencia, de 48 años, diseñadora de xoyes y casada con Lupe Valencia, abogáu y mánager d’atletes.
Empecipió la so carrera artística a los 4 años cuando los sos padres notaron que pasaba hores nel so comedor de San Diego, dibuxando una pintura del grafiteru Retna.
«Llevaba papel y sentábame ellí y siempres trataba de copialo, pero tomóme años faelo bien», dixo Andrés, inquietu nel so asientu.
Chase mercó abondes pintures para persuadir a les Valencia de que dexaren qu’el so fíu «compartiera los sos talentos col mundu», dixo. Contactó a Nick Korniloff, director d’Art Miami, feria que se realiza al pie d’Art Basel, para debutar al mozu artista.
Andrés puede tar esfrutando de l’adulación, pero tamién ye un estudiante de quintu grau con xera de matemátiques.
«El mio fíu ye un artista, pero primeru ye un neñu», dixo la so madre.
«Ye un neñu, non una celebridá».
