Bonos díes, bona xente.
Alborecemos col cielu empuercáu de nubes medies y altes con raches moderaes de vientu tantu na costa como en zones altes ya con unes temperatures que tan alrodiu de los 18ºC nel llitoral, pelos 12ºC nel interior y rexistrándose nel puirtu Payares 7,1ºC.
Güei vamos tener un día seliquín con nubosidá pero sin malpenes precipitaciones que puen dase yá col camudu’l día. Les temperatures van seguir siendo mui suaves y l’aire ábrigu va dir coyendo puxu, sobre too al mediudía.
Mañana sábadu vamos tener nubosidá abondosa, principalmente de tipu baxu que mos dexará un ambiente húmedo con precipitaciones febles y disperses ya con un descensu de les temperatures con una variación térmica pequena que rondando los 11-12ºC durante tol día, l’aire ábrigu seguirá siendo molestu en zones altes de montaña quedando sele ya variable nel restu.
El domingu seguiremos cola mesma dinámica, cielu mui nuboso, principalmente de nubosidá baxa que mos apurrirá abondosa humedá que vendrá acompangada de precipitaciones, febles en xeneral anque cola posibilidá de dalgún xarabatu de calter moderáu na alborada, les temperatures descenderán un poquiñin más y la nieve pue surdir nes cumes más altes de Picos d’Europa.
El llunes puen abrise dellos claros pero entovía con riesgu de precipitaciones, amás les temperatures volverán a baxar un par de graos más.
Que paséis un bon vienres collacies ya collacios.
