Publicado en Inventos

Vasos de sidra que salen de la magaya

Diez estudiantes de la Universidá llogren convertir les borrafes de la bébora rexonal nun material para imprimir tou tipu d’oxetos en 3D
Pola esquierda, los estudiantes Jaime Fernández, Paula Vega, Pablo Berenguer, Pelayo Prieto, Jimena Bernardo, Adrián Iglesias, Marco Marín, Pelayo Leguina, Jorge Álvarez y Luis Díaz, na see de la empresa Triditive.

Un tapón escanciador y un vasu de sidra fabricaos a partir de la mesma bébora rexonal. En realidá, a partir de les borrafes/los desechos que xenera la ellaboración del caldu: la magaya. Diez estudiantes d’Inxeniería y de Comerciu y Marketing de la Universidá d’Uviéu atoparon la forma de completar el ciclu de la sidra y tresformar les sos refugayes nun material para imprimir oxetos en 3D. “Tamos bien contentos, porque los llagareros nun saben qué faer cola magaya y nós demostremos que puede reutilizase y, amás, el productu que xeneramos ye biocompostable”, esplica Pablo Berenguer, unu de los universitarios que participaron nel retu, gracies a la empresa Triditive.

El polvu nel que ye tresformáu la borrafa de la sidra y que ye utilizáu para les impresiones.

La industria sidrero asturiana produz al añu 9.000 tonelaes de magaya, uno pasta compuesta por magaya, piel, pebíes y pedúnculos de mazana. Y la mayor parte d’elles acaben nel vertideru. Solo un pequenu porcentaxe utilízase como alimentu para’l ganáu y abonu de baxa calidá para los praos. D’ende, l’interés de la ciencia por buscar nueves aplicaciones. Asina, investigadores del Serida tresformaron l’añu pasáu la magaya n’una farina rico en fibres y carente de gluten, ideal para ellaborar alimentos de panadería y pastelería para celiacos. A esta idea súmase agora la d’un grupu d’alumnos de la Universidá d’Uviéu, que participaron apocayá en “Uniovi Innovation Skills”, una plataforma de networking y xeneración d’idees que conecta’l talentu nuevo coles empreses.

El vasu de sidra fabricáu en 3D a partir de la magaya.

Los alumnos que trabayaron con Triditive nel sector de la sidra pertenecen a los graos d’Inxeniería Electrónica, Industrial y Mecánica, y de Comerciu y Marketing, lo mesmo que de los másteres d’Eléctrica y Mecatrónica. “La idea inicial yera faer un productu dafechu nuevu a partir de la magaya, ensin incorporar aditivos, pero falamos con responsables d´Idonial y dixéronnos que sería bien costosu y, por tanto, non competitivu nel mercáu”, detalla Pablo Berenguer. Asina los estudiantes asturianos optaron por llavar y ensugar la borrafa de la sidra, convertilo en polvu y entemecelo con un bioplástico (PLA, que ye’l más comercial, o PHA, que ye más biodegradable) para llograr el filamentu col que s’imprime cualquier tipu d’oxetu en 3D. D’esta forma, consiguieron producir un tapón escanciador, un vasu de sidra y una navaya de Taramundi. Les aplicaciones, sicasí, son infinites. “Dende prótesis hasta tables de surf”, pon como exemplu Berenguer.

La entruga que surde agora ye: ¿Interesa comercializalo? La respuesta ye: non al curtiu plazu. La magaya para impresión 3D tien como ventaya qu’amenorga, per una parte, borrafes y que tien, por otra, una mayor velocidá de degradación al respective de los filamentos tradicionales que s’utilicen anguaño. L’inconveniente ye qu’esos filamentos –ye una especie de cable gruesu– tienen que cumplir con una serie de regulaciones, polo que yá lleguen a les fábriques con tolos certificaos necesarios. La magaya nun tien nada d’eso y habría qu’empecipiar los trámites dende cero. Un procesu que, sicasí, nun refuga entamar más palantre Triditive.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *