Publicado en Ciencia, Semana de...

Selmana de la Ciencia nel Botánicu, del 9-14 de payares

Nueva edición de la Selmana de la Ciencia dedicada a la Sanidá Vexetal. Del 9 al 14 de payares, y sol títulu «La salú de les plantes, ye la to salú», el Botánicu entama xornaes de puertes abiertes y actividaes gratuites para escolares, adultos, infantiles y familiares.

Les plantes son la fonte del osíxenu qu’alendamos y constitúin una parte importante de la nuesa dieta, pero costantemente enfréntense a l’amenaza de plagues y enfermedaes. El cambéu climáticu y les actividaes humanes, qu’alterien los ecosistemes, los viaxes y el comerciu internacional, ente otres acciones, favorecen el rápidu espardimientu d’enfermedaes por tol mundu.

L’oxetivu d’estes xornaes de divulgación ye que la sociedá entienda que la protección de la salú de les plantes ye vital para erradicar la fame y la probeza, protexer el mediu ambiente, y n’últimu términu protexer la salú y el bienestar humanu. Amás, vamos esquizar y vamos poner en práctica pequenes acciones cotidianes pa protexer la salú vexetal.

Tou ello por aciu un intensu programa d’actividaes pa escolares, visites empuestes, talleres p’adultos, infantiles, familiares y xuna conferencia. Amás nel horariu d’apertura podrá visitase la Esposición Protexer les plantes pa protexer la vida, xuna amuesa de dolce paneles p’afayar, ente otres coses, quién son los organismos responsables de plagues y enfermedaes, plagues históriques y plagues relevantes na economía mundial, estratexes sostenibles de prevención y el nuesu papel, como consumidores, pa caltener la salú vexetal

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *