Alexandra in Grey Brandal folk Caldo y Os Rabizos Cambaral CORQUIÉU Fabes de Mayo Felpeyu Lorena Álvarez L-R Llan de Cubel Macho de feria Mapi Quintana. Música. Marisa Valle Roso Muyeres Asociación Música Tradicional Pablo Canalís Fernández Pablo Und Destruktion Rodrigo Cuevas Tania Pereira Tejedor Guadi Galego Ún de Grao Ugia Pedreira UHP Voodoo Grass Xera. 36 temes compuestos por 23 artistes del país.
‘L’horru’, una serie documental de 5 capítulos que nos avera al desconocíu mundu del horru asturianu para tresmitinos el so valor testimonial, técnicu y artísticu, y la so vinculación sentimental col pueblu que lu diseñó.
Esta producción cinematográfica realizada poles productores asturianes, La Rebequina y Art&Life, va amosanos cada horru d’una forma nunca vista hasta la fecha. Al traviés d’imaxes aérees y llume nocherniego vamos afayar los horros como los auténticos monumentos que realmente son. ‘L’horru’, una serie fundamental que nos convida a afayar les sos claves y secretos. Una producción que va camudar para siempres la nuesa forma de mirar y sentir los horros.
Un viaxe al corazón d’Asturies que nos avera al desconocíu mundu del horru asturianu
En cada capítulu, ‘L’horru’ percuerre un sieglu na historia d’Asturies al traviés de los sos horros y paneres, del sieglu XVI a anguaño. Na autocaravana del periodista y director Jaime Santos percorreremos tola xeografía d’Asturies pa ver cómo se construyen y cómo se treslladen los horros, la so evolución nos sieglos y la so constante adaptación a les necesidaes de cada época.
