Publicado en NATURA

Agricultura espacial: afayando la primer planta que se cultivó na lluna

Una pequena grana d’algodón ye oficialmente la primer planta que se cultivó na lluna y este foi la resultancia de la so evolución.

La lluna convirtióse nel llar de la primer planta intergaláctica. Cuando la nave espacial Chang’y 4 aterrizó nel otru llau de la lluna, quedó marcáu l’entamu de nuevos esperimentos. China llanzó la so primer misión llunar en xineru d’anguaño y ente los oxetivos atopaba’l cultivu de plantes na lluna.

El Micro Ecosistema Llunar (LME) cumplía coles condiciones d’una pequena biosfera similar a la Tierra. Nél había granes de papa, algodón, colza, lleldu, güevos de mosca de fruta y xuna yerba común.

Apenes al tener contactu cola superficie del satélite, toles granes morrieron rápido, sacante la d’algodón. Esta planta (coles sos estrañes dificultaes) llogró crecer dos fueyes, antes de morrer por causa de les baxes temperatures. Esactamente, dos selmanes dempués del aterrizaxe la planta d’algodón terminó la so crecedera, pero dexó en manos de los espertos xuna amuesa directa de vida alieníxena.

Este resultó ser un esperimentu muncho más esitosu de lo que se pensó. Primeramente pensábase que nenguna de les plantes sobreviviría más d´ un día. Sicasí, el líder de la investigación, Xie Gengxin, considera qu’esti namá ye l’entamu pa siguir estudiando les distintes formes nes que xuna planta podría ser cultivada na lluna.

NASA/Scott Kelly

¿Por qué cultivar una planta na lluna?

Tou indica que cultivar una planta fora de la Tierra trai xuna serie d’aprendizaxes importantes. Por casu, unu de los aspeutos más importantes ye garantizar que l’espaciu sía un llugar habitable pa la vida (en cualesquier de les sos formes).

Amás, la NASA entama ufiertar alimentos frescos pa cualesquier astronauta que viaxe fora de la Tierra, y eso con lleva’l desenvolvimientu d’un cultivu cósmicu. Coles mesmes, los beneficios nun son namá alimenticios.

Xuna planta cultivada na lluna o en cualesquier otru llugar del universu puede representar beneficios psicolóxicos pa los tripulantes d’una nave. Les flores fresques, los xardinos o pequenos parrotales verdes ayuden a crear una atmósfera formosa y favorecen bienestar psicolóxico tantu na Tierra como nel espaciu.

NASA/Cory Huston

A la fin del día, trátase de que’l ser humanu nun tea solo na inmensidá espacial. Y nun hai nada meyor que la compañía d’otru ser qu’ayuda a nutrir tanto’l cuerpu como la mente. ¿Yá decidisti qué planta llevaríes al espaciu?

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *