Publicado en NATURA

Lluna de gusanu: asina ye la primera superluna del añu…

La Lluna de gusanu ye considerada la primera superluna del añu y va poder vese llixeramente más grande que’l promediu. La primer Lluna llena posterior al equinocciu ivernal carga con un fondu significáu para distintes cultures alredor del mundu. Esta lluna marca l’entamu de la pascua para’l xudaísmu y el cristianismu, y rellaciónase con otres festividaes que celebren el final del iviernu nel hemisferiu norte y l’aumentu de la temperatura y la lluz solar que la primavera trai consigo.

El plenilluniu de marzu yera conocíu por distintos pueblos del sur de los Estaos Xuníos como Lluna de gusanu, por cuenta de que rellacionábase la so llegada col remanecimientu de los merucos na tierra, una vegada que les temperatures son más templaes.

Esti fenómenu astronómicu tamién yera conocíu ente les tribus de Norteamérica como la Lluna de Cuervu, que los sos gazníos avisaben del fin del iviernu, y recibía otros nomes como Lluna de Corteza o d’Azucre.

El términu superluna nun tien un orixe astronómicu y poro, ye utilizáu indiscriminadamente para referise a la coincidencia cercana ente dos fenómenos distintos: el perigeo (el puntu de la órbita llunar nel que s’atopa más cercana a la Tierra) y la Lluna llena.

Nesti casu, la Lluna llena d’esti mes va llegar el 28 de marzu a les 12:48 (tiempu del centru de México) y el próximu perigeo va asoceder dos díes depués, cuando’l nuesu satélite natural va averase a unos 360 mil 309 kilómetros de la Tierra. D’ende que dalgunos consideren que se trata de la primera superluna del añu. A diferencia de les primeres llunes de 2021, esti plenilluniu va ser unu de los más cercanos al nuesu planeta de too l’añu, de cuenta que mientres les nueches del 28, 29 y 30 de marzu, va poder reparase llixeramente más grande que’l promediu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *