Publicado en RTPA

Llectura d´interés

Llectura:  La sienda del Monte Máxicu, un percorríu pel mundu celta
Fonte: RTPA (ver)

El camín conduznos per zones de pastu de ganáu a gran altitú y restos de la industria minera

Con salida dende La Pruída, la sienda del Monte Máxicu entama averando al visitante a los elementos que configuren el paisaxe de Degaña. Zones de pastu de ganáu a gran altitú y restos de la industria minera, acompañen l’entamu de la ruta.

El percorríu, aptu pa tola familia, suma seis kilómetros, ente dir y volver, pasando pelos restos de la vieya cantera de mármol, con piedres que viaxaron en tiempos de Carlos III a Madrid. A partir d’esi balcón privilexáu, entramos na zona temática celta.

Los neños del conceyu fueron los primeros en percorrer el Monte Máxicu, dempués de que l’Asociación Entremís acondicionara la sienda y asitiara la señalización. Acompañaos naquella ocasión d’un druida, fueron conociendo’l significáu de los distintos símbolos celtes que se punxeron nel percorríu.

Entramos nel monte de carbayos, fayes, xardones, texos. Variedaes autóctones qu’acompañen la sienda, onde l’agua de los regueros de los neveros, xúnense iguando un paisaxe únicu que va camín de la nacencia del ríu Ibias.

Pa los más esixentes, a los que’l paséu se-yos faiga curtiu, una de les meyores opciones ye siguir camín hasta Las L.lagunas de Chagüeños.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *