El Día de la Hispanidá conmemora la efeméride histórica del Descubrimientu d’América per parte d’España y la nacencia del Imperiu Español. La celebración tien llugar cada 12 d’ochobre y, nella, cada país de fala hispana festéxalo d’una manera distinta.
- Descubrimientu d’América /
- Cristóbal Colón /
El 12 d’ochobre de 1492 Cristobal Colón desembarcó xuntu colos sos homes a la isla Guananí, nel archipiélagu de les Bahamas, dando empiezu a una ponte cultural ente los pueblos d’Ámerica y España que se caltien hasta güei.
Denominase «descubrimientu d’América» al acontecimientu históricu qu’empezó cola llegada a América’l 12 d’ochobre de 1492 d’una espedición encabezada por Cristóbal Colón por mandatu de los reis Isabel y Fernando de Castiella y Aragón, que partiera del puertu andaluz de Palos dos meses y nueve díes antes y, en cruciando l’océanu Atlánticu, llegó a unes isles del continente americanu, concretamente les Bahamas y al so regresu dio a conocer per primer vegada n’Europa la esistencia d’un Nuevu Mundu.
Constitúi unu de los momentos fundamentales de la hestoria universal y representa l’alcuentru de dos mundos qu’evolucionaren independientemente dende l’orixe de la humanidá,2 lo cual camudó l’aldu de la hestoria.
Nos sieglos posteriores España, Portugal y en menor midida Inglaterra, Francia y otres potencies europees compitieron pola esploración, conquista y colonización del continente americanu, resultando na nacencia de nuevos pueblos, cultures y estaos.
Fiesta Nacional d’España ye la denominación oficial que recibe’l día nacional d’España. Celébrase’l 12 d’ochobre y ta reguláu pola Llei 18/1987, de 7 d’ochobre, que’l so únicu artículu indica: Declárase Fiesta Nacional d’España, a tolos efectos, el día 12 d’ochobre.
Desfile del Exércitu y les Fuerces Armáes en Madrid.