Publicado en Concursu, Poesía

“Facer güecu” a la poesía en asturianu

La llanisca Isabel Gutiérrez, segunda nel VIII Premiu internacional de poesía “Xovellanos”, nel que compitió con 2.700 trabayos.

Isabel Gutiérrez Novo (Pancar, Llanes, 1980) siempres-y gustó escribir. Sonábalu bien la cadencia de la poesía ya inclusive tuvo tentada a estudiar Periodismu por aquello de dedicase a les lletres. Finalmente optó por faer Relaciones Llaborales y dedicar el so tiempu llibre, cada vez más llindáu, a escribir dalgún versu sueltu.

Nunca dexó de perfeccionar la so técnica, aquella qu’empecipió “siendo adolescente” con rimes “más formales”. Lleer ayudóla a crecer. Y nun arrenunciar llevola a ser la segunda nel VIII Premiu internacional de poesía “Xovellanos-El Meyor Poema del Mundu”. “Presentáronse unos 2.700 poemes y ye gratificante saber qu’el tuyu ye unu de los meyores, te anima a escribir más” y a pensar qu’un día, quién sabe, diz, pueda publicar un poemariu.

“Esti concursu déxate presentar un solu poema y eso facilita a xente como yo, que nun tien muncho tiempu”, indica. Y, amás, “dexa faelo en cualquier llingua o dialectu” y ella escoyó l’asturianu, “el qu’aprendí en casa”, porque a los sos 40 años nun tuvo la ocasión d’estudialo nel colexu”.

El poema ganador llámase “Facer güecu” y fala del espaciu qu’ocupen les esperiencies. De la mochila que lleva cada unu, que cada vez ye mayor, esplica. Precisamos buecu pa dar la importancia que-yos correspuende a toes elles, añede. Y tamién fala de que, dacuando, nel viaxe, “nun yes viaxera sinón trayectu”, narra.


Nesti VIII Premiu Internacional de Poesía Xovellanos «El meyor poema del mundu», pueden participar toles persones que quieran y en cualesquier llingua de la Tierra. Con un poema de llibre estensión y tema, ye una oportunidá perguapa pa dar puxu a toes eses llingües que davezu nun se contemplen pa la lliteratura.

El premiu, valoráu en 2000 € y un diploma acreditativu, concederáse al poema ganador, pero tamién s’escoyerán finalistes que tarán presentes na edición d’un llibru de los meyores poemes del mundu, xunto al ganador.

GANADOR:   ​La tierra de los fracasados. Alicia Louzao.

PRIMER FINALISTA:  Facer güecu. Isabel Gutiérrez Novo.

SEGUNDO FINALISTA :  Velea. Berto García. 

TERCER FINALISTA:  Todavía. Luciano Pamucio.


 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *