Publicado en NATURA, Semeyes

Espectacular imaxe del Sol

Esta formosa fotografía foi tomada por Alan Friedman, un fotógrafu aficionáu a l’astronomía, pero casi paecen feches por una sonda espacial de la NASA.

Friedman en realidá tomola dende’l patiu de la so casa en Buffalo (Nueva York) con un telescopiu y unos filtros especiales para nun estropiar l’equipu. Les imaxes en brutu tán en blancu y negru y n’alta definición, pero Friedman aplíca-yos color y contraste para realzar ciertos aspeutos de la superficie solar. La resultancia ye francamente espectacular.

Friedman utilza un filtru Hydrogen Alpha que solo dexa pasar la lluz necesario para captar tales imaxes. Acoplala a un telescopiu qu’equivaldría a un teleoxetivu de 450 mm f/5 y utiliza una webcam para captar les semeyes (la webcam puede unviar imaxes a una velocidá de 15 a 120 frames per segundu). Nesti vídeu esplica tol procesu completu n’una charra de TEDx. tien subtítulos n’español

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *