Publicado en Curiosidaes, NATURA

Una morsa quédase dormida nel Árticu y apaez n’Irlanda

Mientres dormía, una morsa dexó’l so llar nel Árticu ensin dase cuenta: l’iceberg nel que se quedó dormida esprendiose de la mariña.

Cuando espertó, la Árticu yá nun taba ende. Otra manera, mientres gociaba d’un suañu fondu, l’iceberg onde s’había quedáu dormida esprendiose del continente xeláu ensin que reparara nello. Un par de díes más tarde, desnortiada, afamiada y escosa, una morsa llegó a les mariñes d’Irlanda, ensin saber en qué momentu dexó’l so llar para nun volver n’enforma tiempu.

El pasáu 14 de marzu, una morsa foi columbrada n’una sablera irlandesa. Según les persones que s’encargaron de rescatala, ye bien posible que pudo llexar dende’l Círculu Polar Árticu. Al quedase dormida sobro un iceberg, nunca se dio cuenta de que se alloñaba peligrosamente del so llar natal.

Xuna neña de cinco años atopó al animal llorando na mariña. El so padre, Alan Houlihan, señaló lo siguiente con al respective de el so afayu a IrishCentral, un mediu local de Valentia Island:

«Pensé que yera xuna foca de primeres, y depués vimos los caniles», dixo Houlihan. «Como que saltó a les roques. Yera enorme. Tenía aprosimao’l tamañu d’un toru o xuna vaca, abondo similar en tamañu; ye grande, grande».

Ye común que les morses cayan dormíes nes mariñes ártiques. Dempués d’un día de caza sobro les agües poco fondes, xuben a los cachos masivos de xelu pa recuperase. Dáu’l so pesu, dimensiones y hábitat, son cuntaes les ocasiones nes qu’esta especie apaez n’Irlanda . El cambéu climáticu podría camudar esi panorama nel futuru próximu y faer de la deriva de plataformes de xelu un fenómenu cada vez más común.

Según el llargor de los sos caniles —d’apenes 30 centímetros—, los científicos que s’encargaron de reasitiala determinaron que se trata d’un exemplar nuevu. Los d’una morsa adulta pueden algamar hasta un metro. Según señaló’l biólogu Kevin Flannery a The Independent, ye probable que l’animal nin siquier diérase cuenta de lo que taba pasando:

«Yo diría que lo qu’asocedió ye que se quedó dormíu nun iceberg y foise al debalu, y depués foise demasiao llueñe, nel Atlánticu mediu o en dalgún llugar asina, posiblemente en Groenlandia. […] Dempués de viaxar miles de milles, ye probable que la morsa tea eshausta y afamiada».

Según el científicu, ye probable que la morsa pueda tornar a casa si recupera les sos fuerces. Deshidratá y esausta, ta so la supervisión del zoolóxicu local. Una vegada que recupere la so condición física —si aliméntase afechiscamente— ye probable que pueda ser reasitiada al so hábitat natural.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *