Publicado en Festivales, Xixón

En Xixón, Festival «Al Resve» del 10 al 19 de setiembre

El festival “Al Resve” va celebrase del 10 al 19 de setiembre pel tiempu les fiestes del barriu Cimavilla, al que-y queremos dar puxu como conceutu y espaciu cultural, al empar qu’apostamos por amosar la creatividá d’Asturies nes sos estayes artístiques cabezaleres.

La programación d’esti añu, nel que vamos perpasando’l silenciu llantáu pol andanciu del Covid-19, ye integradora y participativa: cuntamos que la cultura tien de salir a la cai y vamos inxerir a los coleutivos que, con enfotos y tastos estremaos, faen posible que la nuesa forma de ver el mundiu seya, como foi davezu, activa y dinámica.

Pa ello, fixemos un programa nel que van atopar abellugu les artes plástiques y escéniques, la llingua asturiana y la música tradicional: cantares pa la xentiquina, tonada, folk, bandines de romería, instrumentos del país y teunoloxíes aplicaes a la música de raigañu. Son grandes estayes de trabayu qu’atropen l’esfuerciu de la mocedá creativo y ufren propuestes comprometíes y anovadores.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *