Muyer trabayadora, describiase a sí mesma como “una muyer rural de la tierra cunqueira con moliciones/inquietudes polos oficios tradicionales, la cultura y la llingua cunqueira. Dicía que yera «una cunqueira ensin más», pero la verdá ye que Rosa Rodríguez de Trabáu lo foi tou para’l folclore y la tradición asturiana. Siguirá siendolo magar la so prematura muerte ayeri n’Italia onde intentaba recuperase d’un accidente de tráficu n’ocobre, en Mestre.
Dexónos, ennates de tiempu, Rosa Cunqueira (Sisterna, Ibias, 1971). Muyer artesana, panderetera, divulgadora y escritora comprometida siempres cola llingua asturiana y la cultura d’Asturies.
Finó nel hospital universitariu de Padua, n’Italia, tres mediu añu de llucha contra les mancadures sufiertes nel accidente d’autobús que tuvo mientres la so estancia en Mestre (Venecia), el pasáu 3 d’ochobre, un accidente nel que perdieron la vida otres 21 persones. Aquel accidente asocedió dempués de la so última apaición pública n’Asturies, en septiembre pasáu, como miembru del xuráu de la edición de 2023 del galardón a la Muyer Rural, qu’ella mesma recibiera en 2022.
«Suenos: Versos cunqueiros»
TPA emite la película documental ‘Il Mulín’ n’homenaxe a Rosa Rodríguez, ‘la cunqueira de Trabáu’.
Tres la murnia noticia de la perdida de Rosa Cunqueira, TPA quier rindir homenaxe a la so figura cola emisión del documental qu’ella protagoniza al pie de el so fíu Víctor, y otros vecinos y vecines de la zona.
La so participación na película como exa de la mesma, ye un testimoniu del so compromisu cola hestoria de los cunqueiros, la preservación de la cultura y les tradiciones del suroccidente asturianu.
Rosa Rodríguez Menéndez, de Trabáu, conocida como Rosa Cunqueira, foi reconocida como Muyer Rural d’Asturies 2022 pola Rede Asturiana de Desenvolvimientu Rural (READER).
Un premiu que simboliza una reconocencia a la so trayectoria por caltener y dar a conocer la cultura de los cunqueiros, de la zona del suroccidente d’Asturies. Un territoriu que Rosa, col so proyectu ‘El Xoril del Cunqueiru’, llogró dinamizar al traviés de los sos valores, la tradición y la llingua d’esta tierra, asitiando a Trabáu nel mapa.
La emisión de ‘Il Mulín’ ye un tributu sinceru a la vida y al legáu de Rosa Cunqueira, a esa contribución de Rosa a Asturies y al mundu dende lo local. VIDEU
‘Il Mulín’ d’Alex García. La cinta, proyectada nel FICX, narra l’enfotu del últimu cunqueiru de Degaña, Víctor, de 26 años, pa recuperar los vieyos molinos d’El Río Ibias.
