La campaña de Matriculación en Llingua Asturiana y Gallego-Asturiano llega esta selmana a los centros educativos. Esta campaña, que tien por slogan «Ye nuestra, ye pa ti / É nosa, é pra ti», empezara en mayu cola emisión en RTPA de vídeos y cuñes onde alumnáu, families y profesoráu de Primaria y Secundaria contaben la so esperiencia positiva col estudiu de la llingua propia.
La segunda fase de la campaña consiste na edición de carteles y folletos y la publicación d’una páxina web cola información práctica y los vídeos colos testimonios de les persones que protagonizaron la campaña.