En 1982, por iniciativa del Comité Internacional de Danza, foi proclamáu pola UNESCO’l 29 d’abril como Día Internacional de la Danza. La fecha escoyida correspuende al natalicio del baillarín y coreógrafu Jean-Georges Noverre. L’oxetivu ye homenaxar a la danza como una disciplina d’arte universal y diversa, axuntando a tolos qu’escoyeron esta forma d’espresión ensin barreres culturales, polítiques y étiques.
¿Qué ye la danza? Al traviés de movimientos corporales, los seres humanos s’espresaron y comunicaron dende tiempos ancestrales. La danza ye, entós, una forma d’espresión y d’interacción social acompañada de ritmos acústicos, con fines d’entretenimientu, artísticos, culturales y relixosos.
Ye igualmente conocida como’l llinguaxe del cuerpu«, siendo una espresión d’emociones que comuniquen sentimientos al traviés de los movimientos. Na actualidá destáquense diversos estilos y xéneros, que van de lo tradicional y académicu a lo cotidiano, d’alcuerdu a les distintes cultures.
Mentamos dalgunos d’ellos:
- Danza popular o folklórica: espresen los valores y tradiciones culturales d’una localidá, tales como’l flamencu,la danza árabe, el tangu y los bailles de salón.
- Danza clásica: correspuenden a la execución de movimientos harmónicos y coordinaos, provenientes del períodu clásicu de l´antiguedad medieval: dancia ballet.
- Danza moderna: los sos movimientos y vestimienta reflexen una identidá social: popping, funky, break dancie, jumpstyle, hip hop.
Tou estilu y xéneru de danza tien de cuntar colos siguientes elementos:
Espaciu: selección d’un espaciu físicu fayadizu para la execución d’entrenamientos y presentaciones.
Coreografía: basada na coordinación de movimientos corporales para formar un baille, so la dirección d’un coreógrafu.
Entrenamientu: por aciu l’estudiu y la práctica continua para llograr una óptima execución de la coreografía.
Vestimienta: ropa y accesorios fayadizos al estilu y xéneru de la danza.