- RTPA: Grau viaxa al so pasáu comercial, industrial y cultural
- Videu / Muséu Etnográficu y d’Hestoria
-
Folletu: Exterior del Tríptico (PDF 1.535 Kb), Interior del Tríptico (PDF 1.1995 Kb)
El Muséu Etnográficu y d’Hestoria inclúi dos esposiciones permanentes. Esta mañana inauguróse la nueva see del Muséu Etnográficu y d’Hestoria de Grau nel palaciu Fontela. L’equipamientu ta dedicáu al pasáu comercial, industrial y cultural de la villa moscona ya inclúi dos esposiciones permanentes dedicaes a la fotografía y los acordiones, que fueron donaes por vecinos d’una villa, qu’estrena un nuevu edificiu llenu d’hestoria viva del conceyu.
A Blanca Fernández vieno-y a la cabeza 1.000 alcordances mientres almira la recreación d’una tienda d’ultramarinos na primer planta del nuevu Muséu Etnográficu de Grau. Lo mesmu asocede a Mercedes Valdés, contemplando los tipos qu’usaben na so imprenta de la Madalena.
Tán delantre de la hestoria y cultura d’un Grau que tenía les meyores confiteríes, l’aceite de Miranda, onde un corte de pelo costaba 50 pesetes y les xaules enllenaben el mercau y les Singer les cases. Tou eso recuérdase na primer planta del Palaciu Fontela.
La segunda alluga dos esposiciones permanentes y casi úniques. La de Corsino percuerre la hestoria de la fotografía. Amuesa la primer cámara de daguerrotipu a la minutera, les que fixeron semeyes icóniques como la d’unu Matu Hari detenida y cámares de detectives que revelaben en llaboratorios a escures.
Mui cerca atopamos a Felipe Rubial tocando unu de les sos ayalgues musicales, 70 acordiones y otra ventena d’harmóniques que donó por que toos puedan esfrutar de la guapura d’estes pieces.
Tou puede atopase na nueva see d’un edificiu, que más qu’un muséu ye hestoria viva d’una villa.
