Publicado en Concursu, Semeyes

Un asturianu gana unu de los concursos de fotografía d’aves más prestixosu del mundu

Una vegada más, el talentu de Mario Suárez Porres detrás d’una cámara ye reconocíu a nivel internacional. El fotógrafu avilesín acaba de recibir el premiu absolutu del Festival de les aves de Francia, unu de los más prestixosos del mundu.

 

D’esta manera, el tamién profesor de les Dominiques d’Uviéu recupera’l so títulu, «nel 2017 tamién fui’l ganador absolutu», convirtiéndose asina na única persona del mundu en cuntar con esta reconocencia por partida doble.

Nesta ocasión, l’asturianu fíxose cola distinción gracies a una instantánea d’un cormorán moñudo sobrevolando una fola d’ocho metros tomada na mariña occidental asturianu mientres un fuerte temporal d’iviernu. «Trátase d’una especie nidificante n’Asturies -faenlo ente Cuideiru y L.luarca- y hai bien poques pareyes na rexón porque les poques qu’hai apaecen muertes en quedando atrapaes en redes de pesca, polo qu’esto-y da xuna mayor importancia», apunta.

Hasta diez fotografíes presentó Mario Suárez Porres, quien pa faese con dichu reconocencia tuvo que competir ente más de 4.000 tomaes por 686 profesionales procedentes de 50 países. «N’otros concursos déxente mandar hasta 30 semeyes, asina que sí faes la comparanza la probabilidá de ganar ye muncho menor», reconoz arguyosu.

Amás cuatro de les fotografíes unviaes fueron escoyíes pa la esposición configurada por 150 instantánees- que va tener llugar del 9 al 18 d’abril nel club de tenis de la localidá francesa -y Crotoy, con motivu del 31º aniversariu del Festival. «Xuna d’elles, inclusive, recibió un primer premiu y dos menciones d’honor nesta seronda pasada en trés concursos internacionales importantes», resalta’l profesor.

Trés zarapitos trinadores, en Xixón


Nacíu en 1968, Asturies, onde vive y trabaya como profesor de primaria intentando inculcar nos sos alumnos l’amor pola naturaleza.

En contactu cola fotografía dende los trelce años cuando’l so padre regála-y la so primer réflex y cola llegada de la fotografía dixital empieza cola fotografía d’aves, que ye la so pasión anguaño, intentando amosar una visión artística d’elles. Vive barganal de la mariña cantábrica, un llugar estupendu para fotografiar les aves marines y les sos migraciones. Dende los postreros venti años emplegó munches hores fotografiando estes aves viaxeres, y especialicése nelles.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *