Publicado en Curiosidaes, NATURA

Ciudá flotante con forma de tortúa

  • Pangeos: asina ye la ciudá flotante con forma de tortúa de 8.000 millones de dólares.
  • Fonte noticia: La Razón /XATAKA /

Un estudiu de diseñu italianu llanzó esta propuesta de terayate que va tener 550 metros de llargu y 610 metros nel so puntu más anchu y va poder acoyer hasta a 60.000 persones.

¿Ye posible construyir una ciudá flotante sol conceutu de yate? Paez que sí, según amuesa l’estudiu italianu Lazzarini nel so últimu proyectu: un terayate de 550 metros de llargu y 610 d’anchu. Trátase d’un vehículu de luxu de mayores dimensiones qu’un yate, que’l so valor de construcción ye de 8.000 millones de dólares -lo qu’equival a una cantidá similar n’euros-.

El proyectu, diseñáu con forma de tortúa, consiste n’una “ciudá flotante” que va cuntar con hoteles, cases de luxu, parques, centros comerciales, amás d’un un aeropuertu, con aviones propios, y helipuertu. El so funcionamientu va ser sostenible, cuidao que va cuntar con nueve motores de 16.800 hp eléctricos que van recibir la enerxía que precisen de los paneles solares alcontraos nel cascu” de la embarcación.

Amás, tamién va cuntar cola enerxía consiguida al traviés de choque de les foles coles hélices que va llevar incorporaes.

D’esta manera, el terayate podría funcionar de manera totalmente independiente —y llegar a algamar los 5 nuedos de velocidá— ensin emitir gases nocivos. Y ye que, dende Lazzarini, apuntaron qu’esti nun va tener un aldu fixu, sinón que va tar percorriendo de manera itinerante” el planeta.

Si finalmente fabrícase, va ser la estructura flotante más grande que se construyera hasta agora. El so nome, Pangeos, tampoco ye casualidá, cuidao que rinde homenaxe a Pangea, el súper continente qu’esistió fai más de 300 millones d’años.

Pangea (del griegu: πᾶν ‘tou’ y Γαῖα ‘tierra’)1​ foi’l gran supercontinente qu’esistió a la fin de la era Paleozoica y empiezos de la era Mesozoica qu’arrexuntaba la mayor parte de les tierres remanecíes del planeta. Formose pol movimientu de les plaques tectóniques, que fai unos 335 millones d’años xunió tolos continentes anteriores n’unu solu. Darréu, fai unos 175 millones d’años, empezó a quebrase y a esvalixase hasta algamar la situación actual de los continentes, nun procesu qu’entá sigue.

 

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *