Alborecemos con escasa nubosidá ya con unes temperatures que tan alrodiu de los 3ºC, rexistrándose nel puirtu Payares -3,3ºC
Como suele pasar too al cocer mengua y al final el temporal de fríu y nieve en cotes baxes va quedar en na.
Güei va dir n’aumentu la nubosidá pa dexanos el día nuble pela tarde, surdiendo precipitaciones febles al escurecer na metá ocidental d’Asturies con una cota de nieve que tará perriba de los 1200m. L’aire sedrá sele ya variable y les temperatures n’ascensu.
Mañana miércoles alboreceremos con precipitaciones pero que dirán remitiendo pela mañana pa abrise dellos claros a partir del mediudía con unes temperatures en descensu y cola cota de nieve que rondará los 1000m. A última hora volverá a llover y ye cuando entamarán a baxar les temperatures más bultablemente, surdiendo loa nieve perriba de los 700m. L’aire sedrá variable con dalguna racha moderada en zones altes y fixándose de componente norte al finar el día.
El xueves sedrá’l día más fríu de la selmana y yá durante’l riscar tendremos precipitaciones ente febles ya moderaes con una cota de nieve que rondará los 500m. Pela mañana tenderán a dir remitiendo y disminuyendo la nubosidá pa quedar poco nuboso al finar el día cuando entamará a xelar en gran parte d’Asturies. Les temperatures en descensu y l’aire sele de componente norte quedando variable pela tarde.
A partir del sábadu pela tarde vuelve la puxarra atlántica con nubosidá media-alta y temperatures n’ascensu, pa dexanos un domingu con precipitaciones febles ya un ambiente mui templáu y suave.
