Esta enfermedá presenta una intolerancia permanente al gluten, que ye la fracción proteica de 4 ceberes: trigu, centenu, cebada y avena.
La celiaquía presentase en persones que tienen predisposición xenética a carecela, sábese qu’apaez con más frecuencia ente miembros de la mesma familia. Amás puede presentase en cualquier momentu de la vida dende la lactancia hasta l’adultez avanzada.
Manifiéstase al traviés de distintos síntomes y signos, según la edá:
En neños: suel presentase “diarrea crónica” (síndrome de mala absorción), vultures repitíes, marcada distensión abdominal, falta de masa muscular, perda de pesu, retrasu de la crecedera, escasa estatura, pelo y piel secu, descalcificación, inapetencia, mal calter o irritabilidá, alteraciones nel esmalte dental, dislexa, autismu, hiperactividá etc.
El conceutu de la enfermedá celíaca camudó radicalmente nes últimes décades. Pasó de ser considerada una enfermedá intestinal pocu frecuente típica de la infancia a un trestornu multisistémicu qu’afecta a persones de toles edaes.
Na actualidá, aprosimao’l 30% de la población tien predisposición xenética a la enfermedá celíaca, yá que tien siquier una de les variantes xenétiques de riesgu. Sicasí, la enfermedá afecta, en promediu, al 1% de la población. L’únicu tratamientu eficaz hasta’l momentu ye’l siguimientu d’una dieta estricta ensin gluten.
