En diverses partes del mundu, les persones LGBTIQ+ sufren discriminación solo por ser quien son.
Les Naciones Xuníes documentaron un empeoramientu de la discriminación, la violencia y el discursu d’odiu contra les persones LGBTIQ+, la so esclusión social y económico, la estigmatización que sufren y les torgues que-yos torguen aportar a l’atención sanitaria, la educación, l’empléu y los servicios básicos.
Encetar les desigualdaes y nun dexar a naide tras, garantizando la igualdá de derechos de toles persones, son les pilastres de l’Axenda 2030 pal Desenvolvimientu Sostenible. A midida que procuramos recuperanos de la pandemia p’ameyorar, hemos de tomar midíes concretes pa derogar les lleis discriminatories, encetar la violencia y la discriminación basaes na orientación sexual, la identidá de xéneru y les característiques sexuales, y combatir les verdaderes causes de tales inxusticies.
Les Naciones Xuníes defenden la dignidá y los derechos de tolos seres humanos, incluyíes les persones LGBTIQ+. Trabayemos xuntos pa crear un mundu inclusivu que dexe a cada cual vivir llibremente y con dignidá ya igualdá de derechos, ensin importar quién sía, ónde s’atope o a quién ame.
