Los delfines, unos cetáceos, surdieron fai 50 millones d’años a partir d’unos mamíferos terrestres que se fueron afaciendo a la vida acuática. Igual que nós y el restu de los mamíferos, son animales de sangre caliente y alienden aire, non como los pexes, qu’absuerben l’osíxenu disuelto na agua. Y ye qu’hai coses que l’adaptación evolutiva nun puede camudar.
- Fonte: Muy interesante /
Pero lo que más nos interesa de los delfines ye’l so celebru, que pesa daqué más de quilu y mediu -el nuesu tien una masa de 1,36 kg-. Agora bien, si lo que queremos evaluar ye la posible intelixencia d’un animal lo qu’importa nun ye la masa nin el tamañu del celebru. Si asina fora, la ballena tendría que ser más intelixente que nós pos el so celebru ye enforma mayor.
Lo que realmente se debe tener en cuenta ye la relación celebru y restu del cuerpu. En nós esta relación ye de mases ye del 2% y nel delfín daqué cimeru al 1%, mayor que la del chimpancé, un primu hermanu nuesu, que ye inferior al 1%. La so corteza cerebral ye tan complicada como la nuesa pero nel nuesu celebru la densidá de neurones ye mayor.
