Publicado en Curiosidaes, NATURA

Una imaxe tan rara como histórica: una menada d’elefantes dormiendo

Una menada de 15 elefantes descansa/fuelga plácidamente nun parque natural de la provincia china de Yunan. Toos duermen menos una cría, bien parapetada ente los adultos, que xuguetea y casi paez faer visaxes a la que podría ser la so madre. El viaxe empezó nel sur de China’l 20 de marzu de 2020.

 Los paquidermos escasamente suelen tumbase/baltase nel suelu por cuenta del so gran tamañu. Tres l´entrañable secuencia, la menada prosigue’l so camín. El dron lleva 12 díes monitorizando el so movimientos. Dacuando realicen viaxes de más de 500 kilómetros de distancia.

Los espectadores tán especialmente encantaos colos trés críes del grupu, incluyida una que nació mientres l’épicu viaxe, según el mediu estatal chinu Global Times.

«El simple sistema dixestivu de los elefantes asiáticos da-yos fame cada pocu… Tienen de comer unos 300 kg de plantes todos los díes. Si los montes nun pueden satisfaer les sos necesidaes, cuerren el riesgu d’entrar en tierres de cultivu para enllenar los sos estómagos», esplica Chen Mingyong.

Siquier una docena de drones vilixen les 24 hores del día. Uquier que vaigan, son escoltaos pola policía. Y cuando comen o duermen, millones de persones siguin la menada por internet. La menada de 15 enormes elefantes merodeadores tán perdíos y causen estragos nel suroeste del país. La menada de paquidermos qu’arrasa campos de cultivu y fixo una incursión n’una fábrica de llicor. La menada protagonizó 412 incidentes y provocáu daños per valor d’un millón d’euros. Dende 2014, el gobiernu de Yunnan cunta con un estrañu seguro para los residentes de la provincia. Paga primes y compensa a los vecinos si los elefantes ataquen.

El vienres, entraron n’una casa rural vacida, abrieron el grifu pela ñariz y fixeron cola para beber agua. El problema foi que se-yos escaeció cerrar el grifu cuando se colaron. El númberu d’elefantes asiáticos en China, una especie considerada en peligru d’estinción, aumentó d’unos 170 en 1980 a los 300 de güei.


 

Nun ye la única noticia interesada sobro los elefantes que conocemos nes últimes hores. Un estudiu de la Facultá d’Inxeniería de Georgia Tech afayaron que dilaten les fueses nasales pa crear más espaciu nes sos trompes, lo que-yos dexa almacenar hasta nueve llitros d’agua. Tamién pueden aspirar trés llitros per segundu, xuna velocidá 50 vegaes más rápida qu’una tusida humana.

Esti estudiu buscaba entender meyor la física de cómo los elefantes usen les sos trompes pa mover y manipoliar l’aire, l’agua, la comida y otros oxetos. Tamién buscaron saber si la mecánica podría inspirar la creación de robots más eficientes qu’usen el movimientu del aire pa sostener y mover coses.

Ente que los pulpos usen remexos d’agua para movese y los pexes arqueru disparen agua sobro la superficie p’atrapar insectos, los investigadores de Georgia Tech atoparon que los elefantes son los únicos animales capaces d’usar la succión en tierra y so l’agua.

L’artículu, Alimentación per succión por elefantes, publicose nel Journal of the Royal Society Interface. «Un elefante come alredor de 181 quilos de comida al día, pero sábese bien poco sobro cómo usen les sos trompes pa recoyer comida y agua mientres 18 hores, tolos díes», dixo Andrew Schulz, estudiante de doctoráu n’inxeniería mecánica de Georgia Tech, quien dirixió l’estudiu. «Resulta que les sos fueses nasales actúen como maletes, capaces d’espandise cuando ye necesariu».

Veterinarios nel zoolóxicu d´Atlanta estudiaron a los elefantes mientres comíen dellos alimentos. Nel casu de los cubos de colinabu grandes, por casu, l’animal garró y recoyó. Aspiró cubos más pequenos y fixo un fuerte soníu d’aspiración, o’l soníu d’una persona sorbiendo fideos, antes de llevase les verdures a la boca.

P’aprender más sobre la succión, los investigadores diéron-yos a los elefantes un cachu de tortiella y midieron la fuerza aplicao. Dacuando, l’animal primía’l cachu y esneldaba, suspendiéndolo na punta de la trompa ensin rompelo. Yera similar a una persona qu’esnelda un cachu de papel na boca. Otres vegaes, l’elefante aplicaba succión dende la distancia, abasnando la tortiella hasta’l cantu de la so trompa.

«Un elefante usa la so trompa como una navaya suiza», dixo David Hu, asesor de Schulz y profesor de la Escuela d’Inxeniería Mecánica George W. Woodruff de Georgia Tech. «Puede detectar golores y garrar coses. Otres vegaes sopla oxetos como un soplador de fueyes o los güel».

Al reparar a los elefantes esneldar líquidu d’un acuariu, l’equipu pudo cronometrar les duraciones y midir el volume. En solu 1,5 segundos, el maleteru absorbió 3,7 llitros, l’equivalente a 20 inodoros que se descarguen simultáneamente.

Utilizóse una sonda ultrasónica pa tomar midíes de la paré del tueru y ver cómo funcionen los músculos internos del tueru. Al contraer esos músculos, l’animal dilata les sos fueses nasales hasta nun 30 per cientu. Esto mengua la grosez de les parés y espande el volume nasal nun 64 per cientu.

«De primeres nun tenía sentíu: el pasaxe nasal d’un elefante ye relativamente pequenu y taba esneldando más agua de la que debería», dixo Schulz. «Nun foi hasta que vimos les imaxes ecográficas y reparamos cómo s’espandíen les fueses nasales que dimos cuenta de cómo lo faíen. L’aire abre les parés y l’animal puede almacenar muncha más agua de la qu’envaloramos orixinalmente».

Basándose nes presiones aplicaes, Schulz y l’equipu suxuren que los elefantes esnelden a velocidaes comparables a les de los trenes bala de Xapón. Schulz dixo qu’estes característiques úniques tienen aplicaciones en robótica blanda y esfuerzos de caltenimientu.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *