- Fonte: La Voz de Asturias /
La llingua avanzó del puestu 61 al 50 nun ránking qu’ellabora’l Ministeriu de Cultura de Francia
Hai un barómetru de les llingües, una clasificación con criterios científicos basáu na poderación del númberu de falantes, pero tamién de la presencia n’internet, el so estatus llegal o’l so usu na universidá. Ta ellaboráu non por unos cualesquier sinón pol Ministeriu de Cultura de Francia y cuenta hasta con 614 idiomes de too el planeta nel so ránking. Y tamién recueye al asturianu y amás nun puestu bastante bonu, nel númberu 50, según l’últimu recuentu publicáu pol organismu.
Y amás foi con remontada. Nel estudiu anterior, correspondiente al añu 2017, l’asturianu taba nel puestu 61.