Publicado en Neardentales, Sin categoría

Los neandertales podíen producir y percibir la fala humana, revela un estudiu

Los neandertales yeren más paecíos a nós de lo que creyimos, inclusive na forma en que se comunicaben.

¿Qué nos fai esencialmente humanos?

Mientres décades, l’antropoloxía intentó atopar la respuesta en característiques evolutives úniques, qu’alloñaren al homo sapiens de los demás homínidos conocíos; sicasí, les evidencies más recién dirixen cada vez con mayor fuerza a una verdá incontestable: somos más paecíos a otros humanos primitivos de lo que creíamos.

Esta premisa resulta especialmente válida colos neandertales, una especie humana qu’habitó Eurasia y sumió fai unos 40 mil años, misteriu pel mediu.

Y anque mientres el sieglu XX la idea de que se trataba d’humanos cabileños, incapaces de comunicase y dotaos de bestialidá foi la norma, tres la secuenciación del so xenoma completu en 2010, una hestoria radicalmente opuesta empezó a ver la lluz.

Güei sabemos que la nuesa especie non yá compartió un tiempu y una xeografía de mancomún colos neandertales una vegada que salió d’África, tamién que dambos tuvieron relaciones sexuales en diversos periodos, reproduciéronse y formaron families híbrides. D’ende que’l xenoma nuclear de los humanos contemporaneos tenga ente’l 1 y el 4 % d’heriedu neandertal.

Más humanos de lo que creíamos
Semeya: Gareth Fuller/PA Images via Getty Images

Agora, a la reproducción interespecies, la so habilidá pa realizar pintures rupestres y practicar rituales funerarios, xúnese una traza qu’hasta agora, creíase únicu de la nuesa especie: la capacidá llingüística.

Un equipu multidisciplinario de la Universidá de Binghamton afayó que los neandertales teníen la capacidá non yá de falar, tamién de percibir el llinguaxe humanu.

Al traviés de tomografíes computarizaes d’altu resolvimientu, los investigadores crearon modelos en 3D tantu de les estructures del oyíu sapiens, como del neandertal y del homo anteccesor topáu n´Atapuerca, un homínidu que s’especula, foi l’últimu ancestru común ente dambes especies.

Los modelos funcionaron xuntu con un software desenvueltu coles mires d’envalorar les sos capacidaes auditives y el rangu de frecuencies (llamáu ‘anchu de banda ocupáu’) en dambes especies; esto ye, la so capacidá d’estremar un mayor númberu de señales acústiques y poro, comunicase oralmente de forma eficiente.

La resultancia demostró qu’a diferencia del homo anteccesor, el rangu de frecuencies del oyíu neandertal ye similar al del humanu y atopábase ente los 4 y 5 kHz, un estragal que-yos dexaba estremar un cientu de señales acústiques y dotába-yos de l’habilidá pa tresmitir un mensaxe eficientemente al traviés de la fala.

Otru afayu del estudiu suxure que les habilidaes llingüístiques de los neandertales dexáben-yos pronunciar consonantes, xuna “forma d’incluyir más información nes señales vocales”, estrema clave ente la fala de los humanos y otros primates.

Los afayos más recién sobro la comunicación neandertal sumieron a la evidencia arqueolóxica creciente de les sos habilidaes sociales y patrones de comportamientu similares a los del humanu modernu, un camín que nos xune cada vez más colos homínidos estintos fai 40 mil años.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *